Vizitë në KBI-Prizren
Me dt.29.11.2017 komandanti i kontigjentit gjerman të KFOR`it Lejtnant Kolonel Jyrgen Elsen me bashkëpunëtorë vizitoi KBI-Prizren dhe u prit nga kryeimami Ali ef. Vezaj.Edhe kjo vizitë është vazhdim i një bashkëpunimi shumë të mirë dhe të rregullt me KFOR`in që nga 5 korriku i vitit 1999. Ali ef. Vezaj i shprehu falënderim për gjithë angazhimin që ka bërë KFOR`i për Kosovën e në veçanti për vizitat e bëra në vazhdimësi në KBI-Prizren. Komandanti Lejtnant Kolonel Jyrgen Elsen shprehu falënderim të veçantë për bashkëpunimin shumë të mirë me Bashkësin Islame e sidomos është i gëzuar për pritjen e ngrohtë dhe respektin e treguar nga qytetarët e Prizrenit. Më pas Komandanti i KFOR`it gjerman e vizitoi edhe xhaminë e Bajraklisë dhe bibliotekën e Gazi Mehmet Pashës.
