Për nder të muajit të ardhjës së tij s.a.w.s.në këtë botë, me datën 05 tetor 2023, Departamenti i Gruas i Këshillit të Bashkësisë Islame të Prizrenit, në xhaminë “SINAN PASHA” , mbajti “TRIBUNË FETARE” për gjininë femërore.
Hapjen e programit e bëri mualimja e departamentit, znj. Arjeta Sallashi me disa ajete prej Kur’anit Famëplotë.
Mirëseardhje të pranishmeve dhe një fjalë përshëndetëse, ku me theks të veçantë potencoi rëndësinë e programeve të tilla për jetën e veprat e pavdekshme të Pejgamberit s.a.w.s., mbajti koordinatorja e departamentit znj. Mergime Kalenderi.
Poashtu mirëseardhje dhe një fjalë përshëndetëse e mbajti udhëheqesja e Departamentit të Gruas pranë Bashkësis Islame të Kosoves znj.Vaxhide Bunjaku.
Mualimet e departamentit bashkë me disa fëmijë të mektebeve, janë kujdesur që ilahitë dhe recitalet ta ngrohin shpirtin akoma më shumë, kurse, ligjeratën me temë: “Pejgamberi a.s.sjellja me fëmijët dhe familjen e e tij”, në mënyrë profesionale e me shtjellime dhe lidhje konkrete, e mbajti, mualimja e departamentit të gruas Dr. Florentina Tērmkolli.
Pa ardhjen e Muhammedit s.a.w.s. në këtë botë, nuk do të mund ta gjenim besimin në Zot!
ALL-LLAHUMME SAL-LI ALA MUHAMMEDIN WE ALA ALI MUHAMMED
