Më datë 15 prill 2023, Mektebi i xhamisë ‘Dëshmorët dhe Martirët’, Prizren, organizoi program fantastik në nderim e sublimim të Muajit të Madhërishëm të Ramazanit.
Para prindërve e xhematit, talebet e veshur me kostume të përzgjedhura, djem e vajza, shfaqën talentin e tyre, me recitale, ilahi, e poezi, etj., me tematika të ndryshme, fetare e kulturore.
Në tubim mori pjesë kryeimami dr. Orhan ef. Bislimaj, i cili i përshëndeti të pranishmit dhe vlerësoi lartë bashkëpunimin e prindërve, si dhe angazhimin e fëmijëve. Ai e vlerësoi lartë punën e madhe të imamit, Mr. Enes ef. Limani dhe imamëve të tjerë e mualimeve në edukimin e brezit të ri.
Në fund të programit, për hatër të Mektebit, një donator që deshti të mbetej anonim, u dhuroi fëmijëve nga një dhuratë (zarfë), ku secili mund ta blejë një biçikletë apo ndonjë gjë tjetër.
