Më datë 11 prill 2023, Mektebi i xhamisë së Qendrës në Zhur, organizoi program fantastic në nderim e sublimim të Muajit të Madhërishëm të Ramazanit.
Para prindërve e xhematit, talebet e veshur me kostume të përzgjedhura, djem e vajza, shfaqën talentin e tyre, me recitale, ilahi, dramë, poezi, etj., me tematika të ndryshme, fetare e kulturore.
Tepër mbresëlënëse ishte recitimi grupor që i kushtohej komandantit të madh nga Zhuri, Remzi Ademaj me nofkën e luftës ‘Petriti’, tani dëshmor i kombit.
(Gjyshi i komandant Petritit (baba i babës), mulla Rexhepi, ka qenë hoxhë me nam, Zoti e mëshiroftë shpirtin e tij)
Në tubim mori pjesë kryeimami dr. Orhan ef. Bislimaj, i cili i përshëndeti të pranishmit dhe vlerësoi lartë bashkëpunimin e prindërve.
Po ashtu morën pjesë edhe imamët e Zhurit, Afrim ef. Memaj, Reshat ef. Kurtaj dhe ish imami, Nazim ef. Hoxhaj.
Përgëzime për imamin dhe mualimen, Dibran e Shkëndije Omaj, për punën e palodhshme.
