Jemi mësuar të shohim fëmijtë, por kësaj radhe hatme të Kur’anit bënë të rriturit dhe është për t’u vlerësuar tepër.
12 nxënës moshërritur nga xhamia ‘Haxhi Kasëm’, Prizren, e mësuan leximin e Kur’anit te imami i xhamisë, Gëzim ef. Danjolli dhe para tij e bënë hatme atë.
Në këtë solemnitet mori pjesë kryetari i Këshillit të BI-së Prizren, mr. Besim ef. Berisha dhe kryeimami dr. Orhan ef. Bislimaj, të cilët e vlerësuan lartë përkushtimin e imamit për t’ua mësuar njerëzve fjalën e Zotit.
Po ashtu, i përgëzuan shumë të gjithë nxënësit e Kur’anit, moshërritur.
Pa dyshim, ata që ia mësyejnë shkronjave të Kur’anit dhe e bëjnë hatme, është dëshmi se ata njerzë veçse e kanë një nivel të sipërisë njerëzore e qytetare mbi të tjerët.
Gjithkush nuk e ka këtë fat!
Pejgamberi a.s. ka thënë: “Kush dëshiron që të flasë me Zotin, le të lexojë Kur’an!”
Zot, na begato të gjithëve me bereqetin e Kur’anit!
Zoti e shpërbleftë imamin, Gëzim ef. Danjolli për këtë punë permanente e afatgjate!
