Këshilli i Bashkësisë Islame i Prizrenit – xhamia e fshatit Skorobisht, KK Prizren, organizoi një program modest, që u mbajt në ambientet e xhamisë së fshatit, me rastin e ceremonisë së duasë së hatmes për 13 nxënës, vijues të mësim-besimit. Bashkë me shumë qytetarë dhe imamë, në këtë tubim, mori pjesë edhe kryetari i Këshillit të Bashkësisë Islame të Prizrenit, Mr. Besim ef. Berisha, i cili i përshëndeti të pranishmit, nxënësit, prindërit, xhematin, e në veçanti imamin e xhamisë, Enes ef. Xhaferin, për kontributin e tij të madh në edukimin e brezit të rinj dhe në zhvillimin e mësim-besimit.
