IMAGE Për nder të festës së Fitër Bajramit - 2018, strukturat komunale te Prizrenit vizituan KBI-Prizren

    Për nder të festës së Fitër Bajramit, strukturat komunale te Prizrenit: kryetari i Komunes, partitë politike, FSK, PK, Shoqata Esnaf, Parlamenti Studentor dhe shumë qytetarë ia uruan krerëve të Keshillit të Bashkësisë Islame të Prizrenit festën e Fitër Bajramit. Faleminderit, respekt për të gjithë!
IMAGE KBI-Prizren, morri pjesë në 19 vjetorin e përkujtimin të Betejës së Gorozhupit

         Këshillit i Bashkësisë Islame i Prizrenit, dje, me datë 31.05.2018, morri pjesë në 19 vjetorin e përkujtimin të Betejës së Gorozhupit. Falënderim të thellë për dëshmorët, të cilët dhanë jetën që ne të jetojmë të lirë.        
IMAGE Këshilli i Bashkësisë Islame i Prizrenit, organizoi iftarin tradicional - 2018

      Këshilli i Bashkësisë Islame i Prizrenit, organizoi iftarin tradicional me të gjithë punëtorët. Përveç strukturave të KBI-së, në iftar morën pjesë vakiflënësit, Komuna e Prizrenit, Parlamenti Studentor i Universitetit “Ukshin Hoti”, Shoqatat e dalura nga lufta e UÇK-së, OJQ të ndryshme, Shoqata afariste e kulturore, etj. Po ashtu, morën pjesë edhe musafirët nga Myftinia e Shkodrës, Pukës dhe nga KBI-Ulqin. Të pranishmit, i përshëndeti, kryetari i Këshillit të BI-së Prizren, Mr. Besim ef. Berisha, kryetari i Komunës së Prizrenit, prof.dr. Mytaher Haskuka si dhe Myftiu i Shkodrës, Muhamed ef. Sytari.  
IMAGE Reisi i Rijasetit të Malit të Zi, z. Rifat ef. Fejziq, i shoqëruar nga këshilltari i tij, Hfz. Sylejman ef. Bugari dhe Zejno ef. Omeragiq, e vizitoi Prizrenin

       Në organizim të Kryesisë së BIRK-ut, Reisi i Rijasetit të Malit të Zi, z. Rifat ef. Fejziq, i shoqëruar nga këshilltari i tij, Hfz. Sylejman ef. Bugari dhe Zejno ef. Omeragiq, e vizitoi Prizrenin, në kuadër të vizitave gjatë Muajit të Madhërishëm të Ramazanit. Ata u pritën nga kryetari i Këshillit të BI-Prizren, Mr. Besim ef. Berisha. Gjatë qëndrimit në Prizren, Reisi Rifat Fejziq, më datë 21.05.2018 mbajti ligjëratë në namazin e teravisë në xhaminë e fshatit Mushnikovë, ndërsa më datë 22.05.2018 në namazin e drekës në xhaminë e fshatit Lubinjë e Epërme. Po ashtu, edhe ligjëruesi i njohur, Hfz. Sylejman Bugari, më datë 21.05.2018 mbajti ligjëratë në xhaminë e re në Lubizhdë të Prizrenit, si dhe më datë 22.05.2018, mbajti ligjëratë në xhaminë e fshatit Reçan. Edhe Zejno Omeragiq, më datë 21.05.2018, mbajti ligjëratë në namazin e teravisë në xhaminë “Uhud”, në Prizren. Në fund të vizitës, Reisi Fejziq dhe hfz. Bugari, realizuan një emision televiziv për RTV-BESA. Vizita ishte mbreslënëse dhe përfundoi me idenë e një bashkëpunimi sa më të mirë në të ardhmen…!
IMAGE Për ta pa nga afër improvizimin e gjëmimit të topit, kryetari i KBI-së Prizren dhe sekretari dolën fizikisht në kala

       Ndoshta, dikush nuk e di, por në Kalanë e Prizrenit ekziston topi, me grykën e kthyer kah pjesa urbane e qytetit të Prizrenit. Fatkeqësisht, nuk është funksional. Por, ç’e do që, disa djemë me vetëdije të lartë qytetare e identitare, kanë siguruar disa fishekzjarre speciale dhe, për çdo ditë, në kohën e iftarit, përmes tyre, vazhdojnë të improvizojnë gjëmimin e topit, si dikur kur Prizreni ishte Prizren dhe kultura e kishte yndyrën origjinale. Me të vërtetë, një atmosferë fantastike. “Skuadra e topit”, sipas koordinimit me muezinin e xhamisë së “Bajraklisë”, bën ndezjen e fishekjzarreve, ashtu që, së pari ndezen dritat e minaresë, pra para ezanit të akshamit dhe, në atë moment fillon gjëmimi i topit, e pastaj fillon ezani prej të gjitha minareve shtatlarta të qytetit të Prizrenit dhe rrethinës së tij.      Për ta pa nga afër improvizimin e gjëmimit të topit, po edhe për ta vlerësuar e përkrahur këtë angazhim mjaft simpatik, kryetari i Këshillit të BI-së Prizren, Besim ef. Berisha dhe sekretari Orhan ef. Bislimaj, më datë 21.05.2018 (e hënë), dolën fizikisht në kala, aty te topi. Kënaqësi e vërtetë, e mbi të gjitha nostalgji për një traditë, që tash e mbi 50 vjetë është ndërprerë. Në emër të Këshillit të Bashkësisë Islame të Prizrenit, kryetari Berisha, e falënderoi “skuadrën e topit”, që po kujdesen për t’ia rikthyer Prizrenit gjëmimin e topit, këtë krenari tipike, që filloi gjatë Ramazanit 2017 dhe po vazhdon edhe gjatë këtij viti.Komuna e Prizrenit dhe organet përkatëse të Ministrisë së Kulturës, duhet të kujdesen që ta funksionalizojnë topin, në mënyrë që i njëjti të gjëmojë, jo vetëm gjatë Ramazanit, por edhe për të gjitha festat kombëtare, si dhe për festat e komuniteteve të tjera fetare dhe etnike. Prizreni është i bukur për traditat e bukura të tij, e jo vetëm për peisazhin gjeografik.
IMAGE Ramazani - 2018, Mukabele

Ramazani - 2018
IMAGE Kryetari i KBI në Prizren, priti në takim urimi për lokalin “Konaku” Kryetarin e Parlamentit Studentor të Universitetit “Ukshin Hoti”

    Kryetari i Këshillit të Bashkësisë Islame në Prizren, Mr. Besim ef. Berisha, priti në takim urimi për lokalin “Konaku” Kryetarin e Parlamentit Studentor të Universitetit “Ukshin Hoti” në Prizren, z. Arianit Berisha me bashkëpunëtorë.Faleminderit për të gjithë studentët!        
IMAGE Kryetari i KBI në Prizren, Mr. Besim ef. Berisha, morri pjesë në Dua të Hatmes në xhaminë e fshatit Pllanjane

          Kryetari i Këshillit të Bashkësisë Islame në Prizren, Mr. Besim ef. Berisha, morri pjesë në Dua të Hatmes së 44 nxënësëve (30 djem, 14 vajza) të Mektebit të xhamisë së fshatit Pllanjane.  
IMAGE Njoftim - Ramazani 2018

Njoftim - Ramazani 2018
IMAGE Me një ceremoni zyrtare, Këshilli i Bashkësisë Islame i Prizrenit bëri hapjen solemne të lokalit afarist “KONAKU”

     Me një ceremoni zyrtare, Këshilli i Bashkësisë Islame i Prizrenit bëri hapjen solemne të lokalit afarist “KONAKU”, i cili gjendet në hapësirën (oborrin) e xhamisë “Sinan Pasha” në Prizren. Pastiçeria “KONAKU”, të cilën e menaxhon Këshilli i BI-Prizren, do të ofrojë lloje të ndryshme për konsumim, si: ëmbëlsira, akullore, kafe, çaj, pije freskuese, lëngje, etj., e të gjitha këto, në një ambient fantastik relaksues, në zemër të Prizrenit, me një shërbim efektiv. Lokali ka karakter joprofitabil dhe të hyrat e tij janë të dedikuara për çështje humanitare, ndërtim të xhamive, hapje të foshnjoreve, mbajtjen e jetës fetare islame, etj. Që do të thotë se, çdo mirësi që vjen prej popullit, do t’i kthehet përsëri popullit, ashtu që, bashkërisht të kontribuojmë në përmirësimin e përgjithshëm të jetës shoqërore, fetare e kulturore. Përkrahja masovike e këtij ambienti afarist, i shtonë mundësitë tona për kontribut më të madh. E ripotencojmë se Bashkësia Islame është e vetmja bashkësi fetare në vend, që fund e krye, është product i këtij populli dhe, selinë kryesore e ka brenda në Kosovë (Prishtinë), e jo jashtë saj. Funksionimi i Bashkësisë Islame është i ndërtuar ndër shekuj, mbi ndihmat solidare të xhematit. Fatkeqësisht, Republika e Kosovës nuk ndanë asnjë cent për Bashkësinë Islame dhe, kjo përbën një dëmtim serioz, për dallim nga bashkësitë e tjera, që përfitojnë buxhet stabil nga qendrat e tyre amë, pra jashtë Kosovës. Por, kjo nuk e bën Bashkësinë Islame , më të vogël e as më të parëndësishme. Jo, absolutisht, sepse, Bashkësia Islame e Kosovës - Këshilli i Bashkësisë Islame i Prizrenit është thesar i popullit. Falë këtij populli shpirtmadh, falë xhematit e bëmirësve të ndryshëm ndër breza, KBI-Prizren, arrinë që të tejkalojë çdo sfidë dhe të përmbushë obligimet ndaj besimtarëve. Shpresojmë se ky lokal, do të jetë një mbështetje solide për Këshillin e Bashkësisë Islame të Prizrenit, si gjithmonë, në punën e tij fisnike për të mirën e të gjithë qytetarëve. Për hajr, ky lokal, për të gjithë, sepse është i të gjithëve…!    

Kryetari i Këshillit të Bashkësisë Islame në Prizren, vizitoi Institutin e Hifzit “Emin Pasha” në Prizren.

      Kryetari i Këshillit të Bashkësisë Islame në Prizren, Mr. Besim ef. Berisha, me stafin e tij administrativ, ishin për vizitë në Institutin e Hifzit “Emin Pasha” në Prizren. Ata u pritën nga Koordinatori i Diyanetit të Turqisë zyra në Kosovë, z. Mustafa Tombaş me bashkëpunëtorë. Kryetari Berisha, e falënderoi z. Tombaş për pritjen dhe uroi që puna në Institut të jetë e bereqetshme dhe kualitative. Takimi kaloi ne frymë vëllazërore.

Tanzil.net

Mp3quran.net

Sa janë online

Kemi 10 miq dhe s'ka antarë në linjë

Kryesia e BIRK - ut

Lajme – Bashkësia Islame e Kosovës